MBA logo

ရေကြည်ရာမြက်နုရာရှာဖွေခြင်း

ကနေဒါလူမျိုးသည် မက္ကဆီကိုလူမျိုး ထက် တစ်ဦးချင်းအသက်ရှည်မှုတွင် (၅) ဆနှင့် ဝင်ငွေရရှိမှုတွင် (၃) ဆ ပိုမိုလျက် ရှိကြောင်း စစ်တမ်းမှ သိရှိရပါသည်။ Juan သည် မက္ကဆီကိုလူမျိုးဖြစ်ပြီး ကနေဒါနိုင်ငံ ၌ အလုပ်လုပ်ကိုင်လျက် နေထိုင်မှုအတွက် လုံလောက်သော ဝင်ငွေရရှိသကဲ့သို့ အပို အလျှံများ စုဆောင်းနိုင်သည့်အတွက် စီးပွား ရေးလုပ်ငန်းရှင်တစ်ဦး ဖြစ်လာခဲ့သည့်အပြင် ကနေဒါနိုင်ငံသားများကိုပင် အလုပ်အကိုင် များ ခန့်အပ်နိုင်ခဲ့ပါသည်။
အိန္ဒိယနိုင်ငံသူ Bhagyawati သည် ဆင်းရဲသူတစ်ယောက်ဖြစ်ပြီး ဆောက်လုပ်ရေးလုပ်ငန်းတစ်ခု၌ တစ်နှစ်လျှင် ၆ လခန့် အလုပ်လုပ်ရသည်။ သူမအနေဖြင့် မိသားစုနှင့်ဝေးကွာနေသည့်အတွက် သူမ၏ကလေးများက ကျောင်းတက်ရသည့်အခွင့်အရေး ဆုံးရှုံးရသည့်အပြင် အိန္ဒိယနိုင်ငံ၏ဘာသာစကားကွာခြားမှုမှာလည်း အခက်အခဲတစ်ခု ဖြစ်ပါသည်။ ရရှိသောဝင်ငွေမှာလည်း မိသားစု စားသောက်ရန်မဖူလုံ၍ ကျန်းမာရေးအတွက်လည်း အသုံးမပြုနိုင်သည့်အပြင် ဇာတိမြေမှခွဲခွာပြီး နိုင်ငံရပ်ခြားသို့ သွား ရောက်ရှာဖွေစားသောက်ရသည့်အတွက် မဲဆန္ဒပေးပိုင်ခွင့်များပါ ဆုံးရှုံးရပါသည်။ သူမကဲ့သို့ အိန္ဒိယနိုင်ငံ၏အခြားဒေသများမှ လာရောက်လုပ်ကိုင်ကြသော အလုပ်သမားများစွာရှိသည့်အတွက် သူမအနေဖြင့် သူမ၏ ဘဝတိုးတက်ဖွံ့ဖြိုးစေရန် အခွင့်အလမ်း အလွန်နည်းပါးပါသည်။


အထက်ဖော်ပြပါ ဥပမာ (၂) ခုကို လေ့လာသုံးသပ်ကြည့်လျှင် လူသားအရင်း အမြစ်ပြောင်းရွှေ့မှုနှင့် ဖွံ့ဖြိုးတိုးတက်မှုသည် တစ်ကမ္ဘာလုံး၌ တူညီသောရလဒ်များ ရရှိ မည်မဟုတ်ပါ။ တစ်နိုင်ငံအတွင်းဖြစ်စေ၊ နိုင်ငံရပ်ခြားသို့ သွားရောက်ရှာဖွေလုပ်ကိုင် ရသည်ဖြစ်စေ၊ လူသားအရင်းအမြစ်ပြောင်းရွှေ့မှုနှင့် ဖွံ့ဖြိုးတိုးတက်မှုသည် အရေးကြီး သော အခန်းကဏ္ဍမှ ပါဝင်လျက်ရှိပါသည်။ ဥပမာအားဖြင့် ဖွံ့ဖြိုးဆဲနိုင်ငံများရှိ ဆင်းရဲသူ အများစုသည် ဖွံ့ဖြိုးပြီးနိုင်ငံများသို့ သွားရောက်၍ မိသားစုဝင်ငွေရရှိအောင် ကြိုးစားကြသည်။ အဘယ်ကြောင့်ဆိုသော် ဝင်ငွေ တိုးတက်ရရှိလာသည်နှင့်အမျှ ကျန်းမာရေး နှင့် ပညာသင်ကြားရေးကဏ္ဍတို့အပေါ် များစွာအကျိုးသက်ရောက်မှုရှိပါသည်။
သို့ရာတွင် မည်သည့်နိုင်ငံသို့ သွား ရောက်မည်ကို စဉ်းစားဆုံးဖြတ်ရန် ခက်ခဲ နေမည်ဖြစ်ပြီး မျှော်လင့်ချက်ဖြင့် ပြောင်းရွှေ့ အခြေချခဲ့သော်လည်း မမျှော်လင့်သော၊ မသေချာသော အကြောင်းအရာများစွာဖြင့် ရင်ဆိုင်ရတတ်ပေသည်။ မိမိတို့တွင် ရှိသင့် ရှိထိုက်သော တတ်ကျွမ်းသည့်နည်းပညာများ ပိုင်ဆိုင်ခဲ့ပါလျှင် ပိုမိုကောင်းမွန်သော အခွင့် အလမ်းများကို ရရှိမည်ဖြစ်ပါသည်။ ဤသို့ ဖြစ်မည်ဆိုလျှင် ပြောင်းရွှေ့ရန် ကြိုးစား အားထုတ်ရခြင်းအတွက် မိမိနိုင်ငံတွင် ကျန်ရစ်သောသူများထက် ပိုမိုကောင်းမွန် သော အကျိုးအမြတ်များရရှိ၍ မိသားစုများလည်း နေထိုင်မှုဘဝများ ရုတ်တရက် ပြောင်းလဲလာမည်ဖြစ်ပါသည်။ အများအား ဖြင့် အောင်မြင်မှုရရှိရန် အခက်အခဲများစွာ ရှိနေပေမည်။ မိသားစုနှင့်ခွဲခွာရခြင်းအတွက် အထီးကျန်ခြင်း၊ ရောက်ရှိသောနိုင်ငံမှ နိုင်ငံသားများက နွေးထွေးစွာကြိုဆိုမှုမရှိခြင်း၊ အလုပ်လက်မဲ့ဘဝသို့ရောက်ရှိရန် ကြောက်ရွံ့ ၍အလုပ်ကြိုးစားလုပ်ကိုင်ရခြင်း၊ ကျန်းမာရေး ချို့တဲ့ခြင်းနှင့် နိုင်ငံသားများနည်းတူ အခွင့် အရေးများ ဆုံးရှုံးနိုင်ခြေရှိခြင်းတို့ဖြစ်ပါသည်။
လူသားအရင်းအမြစ်များ ဖွံ့ဖြိုးတိုးတက်ရန်အတွက် သက်ဆိုင်ရာနိုင်ငံအစိုးရများက ကန့်သတ်ချက်များ လျှော့ချ ခြင်း၊ အလုပ်အကိုင်အခွင့်အလမ်းများ ပိုမို ရရှိအောင် ဖန်တီးခြင်းတို့သည် ကောင်းမွန် သော အခွင့်အလမ်းများဖြစ်သော်လည်း လက်တွေ့တွင်မူ ကျင့်သုံးရန်များစွာအခက်အခဲများရှိသည့်အတွက် ပြည်တွင်းရှိနိုင်ငံ သားများနှင့် ပြည်ပမှဝင်ရောက်လာသူများ အတွက် တူညီသောအခွင့်အရေးများ ရရှိနိုင်မည်မဟုတ်ပေ။
လူသားအရင်းအမြစ် ပြောင်းရွှေ့မှုသည် မည်သည့်အတွက်ကြောင့် ပြောင်းရွှေ့ဖြစ်ပေါ် ရသနည်း။ မည်သို့မည်ပုံ ပြောင်းရွှေ့ကြ သနည်း။ ဒီမေးခွန်းတွေအဖြေက ဖွံ့ဖြိုးဆဲ နိုင်ငံများမှ လူသားအရင်းအမြစ်များသည် ဖွံ့ဖြိုးပြီးနိုင်ငံများသို့ ပြောင်းရွှေ့မှုများကြောင့် ဖြစ်ပါသည်။ အများအားဖြင့် မိမိနိုင်ငံအတွင်း ၌လည်း စီးပွားရေးကောင်းမွန်ဖွံ့ဖြိုးရာနေရာ များသို့ ပြောင်းရွှေ့ကြခြင်းဖြစ်ပါသည်။ ခန့်မှန်းခြေအားဖြင့် တစ်ကမ္ဘာလုံးတွင် လူ သန်းပေါင်း (၇၄ဝ) သည် ပြည်တွင်း ပြောင်းရွှေ့မှုများဖြစ်ပြီး ဤပြောင်းရွှေ့မှုသည် အပြည်ပြည်ဆိုင်ရာ ပြောင်းရွှေ့မှုထက် (၄) ဆ ပိုမိုများပြားသည်။ နယ်စပ်ဖြတ်ကျော်၍ ဖွံ့ဖြိုးဆဲနိုင်ငံမှ ဖွံ့ဖြိုးပြီးနိုင်ငံများသို့ ပြောင်း ရွှေ့မှုသည် လူသန်းပေါင်း (၂ဝ) ထက် လျော့နည်းပါသည်။ အများအားဖြင့် ဖွံ့ဖြိုးဆဲနိုင်ငံများသည် အခြားဖွံ့ဖြိုးဆဲနိုင်ငံ များနှင့် ဖွံ့ဖြိုးပြီးနိုင်ငံများသို့ ပြောင်းရွှေ့မှု မှာ လူဦးရေသန်း (၂ဝဝ) ခန့်ရှိပါသည်။ ပြောင်းရွှေ့ရခြင်း ရည်ရွယ်ချက်မှာ အများ အားဖြင့် -
(က) ဝင်ငွေပိုမိုရရှိခြင်း
(ခ) ပညာဆည်းပူးခွင့်ရရှိခြင်း
(ဂ) ကျန်းမာရေး ပိုမိုကောင်းမွန်လာခြင်း နှင့်
(ဃ) မိသားစုများ၏ လူနေမှုအဆင့်အတန်း ပိုမိုတိုးတက်လာခြင်းကြောင့်ဖြစ်ပါသည်။ စစ်တမ်းများအရ ပြောင်းရွှေ့နေထိုင်ကြသူ များသည် ပြောင်းရွှေ့ရာနိုင်ငံများတွင် အခက် အခဲများ ရင်ဆိုင်ကျော်လွှားရင်း ပျော်ရွှင်မှု ဘဝကိုခံစားရပါသည်။ ပြောင်းရွှေ့ရာနိုင်ငံ များရှိ နိုင်ငံသားများနှင့် ညီညွတ်မျှတစွာ နေထိုင်ကြခြင်း၊ ဘာသာရေးလုပ်ငန်းများ တွင်လည်း ပူးပေါင်းဆောင်ရွက်ခြင်းများရှိ သည့်အတွက် ပြောင်းရွှေ့နေထိုင်မှုသည် ကမ္ဘာတစ်ဝန်းလုံးတွင် တူညီသော အကျိုး ခံစားမှုရရှိကြမည်မဟုတ်ပေ။
(ဆက်လက်ဖော်ပြပါမည်)
/နေလင်း/